Янги йил байрами арафасида табиийки, барча яқинлар бир-бирига совға улашади. Шу ўринда, аёллар учун ҳам ҳам фойдали, ҳам кутилмаган ҳадялар тақдим этиш керак. Lifehacker нашри аёлларга ёқиши мумкин бўлган бир неча хил совғаларни тавсия этди.
Смартфон
Байрам тонгида арча дарахти остида янги смартфон топишдан кўра ёқимли нарса бўлмаса керак. Совға бироз қиммат бўлиши мумкин, лекин аёллар бунга арзийди.
Робот чангюткич
Бу нафақат ёқимли, балки фойдали совға ҳамдир. Ақлли чангютгич уйдаги тозаликни сақлашни соддалаштиради ва вақтни тежаб, бошқа севимли машғулотлар билан шуғулланишга имкон яратади.
Фен ёки мултистайлер
Ҳар қандай аёл соч парвариш қилиш қурилмаси учун миннатдор бўлиши табиий. Ахир аёл кишига ҳамиша сочини қуритиши, жингалак ёки текислаши, умуман турмаклаши учун бу каби жиҳозлар керак.
Кофе қайнатгич
Ҳар қандай аёл яхши қаҳва қайнатгични қадрлайди. Бундай қурилма бутун кун давомида тетиклик билан таъминлайдиган мазали ичимлик билан хурсанд қилади.
Тақинчоқлар учун қути
Чиройли узук, зирак ва бошқа заргарлик буюмлари ҳеч қачон йўқолмайди ва уларни тартиб билан сақлаш мумкин.
Шамдонлар
Чиройли шамдонлар хонани безатади ва уйнинг дизайнига ифодали урғу беради. Бундай совғани байрам пайтида дарҳол синаб кўриш мумкин.
Ошхона буюмлари тўплами
Қутидаги чиройли идиш-товоқлар тўплами ҳар қандай аёл томонидан қадрланади. Шунингдек, улар ёрдамида байрамона дастурхонни ажойиб тарзда безатиш мумкин.
Қўлқоп ва шарф
Ушбу классик қишки аксессуарлар иссиқлик билан таъминлаш бирга, образни ҳам бойитади. Уларнинг чарм, замш ва трикотаж матосидан ишлаб чиқарилганлари мавжуд.
Массаж қилувчи ускуна
Бу зарурий нарса эмас дейиш мумкин, аммо уни синаб кўргандан сўнг кўпчилик ўз фикрини тубдан ўзгартиради. Оёқ, бўйин ёки бутун организм учун массаж қилувчи ускуна мушакларни чўзишга, дам олишга ва кун давомида тўпланган чарчоқни кетказишга ёрдам беради.
Изоҳ (0)