Сергели тумани ҳокими Элбек Шукуровнинг айтишича, Тошкент шаҳри ҳокими Жаҳонгир Ортиқхўжаев билан ишлаш ҳоким сифатида жудаям осон ва қулай. Боиси Тошкент шаҳри ҳокимида ортиқча расмиятчилик, бюрократия йўқ. Ҳоким бу ҳақда «Дарё» нашри журналисти билан бўлган суҳбатида гапириб берди.
Жаҳонгир ака ишлаш, ишлаш мумкин бўлган раҳбарлар орасида энг осони деб ўйлайман. Биласиз, у киши аслида тадбиркорликдан чиққан ҳоким. Шу сабабми у кишида ортиқча расмиятчилик, бюрократия йўқ, — дейди Элбек Шукуров.
Сергели тумани ҳокимининг фикрича, Тошкент шаҳри ҳокими Жаҳонгир Ортиқхўжаев журналист ва блогерлар учун ҳам доимо очиқ.
Ўзларингиз ҳам кўп бора кўргансизлар, кузатгансизлар Жаҳонгир ака аксарият ҳолларда, умумий олганда журналист ва блогерлар учун жуда очиқ раҳбар. Тан олиш керак у кишидаги ўта очиқлик баъзи ҳолатларнинг келиб чиқишига сабаб ҳам бўлган. Хуллас, Жаҳонгир акадаги очиқлик ва самимийликни кўриб, у киши билан ишлаётганимдан хурсанд бўламан, — дейди Элбек Шукуров.Туман ҳокими журналистнинг ОАВда тез-тез кўриниш бериши, ижтимоий тармоқлардаги фаоллиги Жаҳонгир Ортиқхўжаевга қай даражада маъқул келиш-келмаслиги борасидаги саволга ҳам жавоб берди.
Ижтимоий тармоқлардаги фаоллигимиз борасида гапирадиган бўлсак, бу — Жаҳонгир акага қай даражада маъқул келади ёки маъқул келмайди, буни аниқ билмайман, боиси ёқади ёки ёқмайди, чиқ ёинки чиқма деган гапни эшитмаганман. Бу ҳақда муносабат билдирмаган. Лекин тан олиш керак, Жаҳонгир акадан гап эшитган пайтларим бўлган. У пайтда ҳоким ўринбосари сифатида ишлардим ва баъзи айтган гапларим оммалашиб кетганда «ижтимоий тармоқларда жудаям ошириб юборасан-да, камерани яхши кўрасан-да», дегандилар. Тўғриси, у пайт ўзим ҳам хато қилганман ва тўғри танбеҳ эшитганман, — дейди Сергели тумани ҳокими.Ҳокимнинг тан олишича, ҳамкасблари ва кўплаб раҳбарлар унинг ОАВдаги фаоллиги ва ижтимоий тармоқлардаги чиқишларига нисбатан фикр билдириб, «бўлди-да энди» деган пайтлари кўп бўлган.
Изоҳ (0)