Россия президенти Владимир Путин 30 декабрь куни Хитой етакчиси Си Цзинпин билан видеомулоқот шаклида музокара ўтказди. Хитой раҳбари Россия билан глобал ҳамкор бўлишга тайёрлигини билдирди. Бу ҳақда «РИА Новости» хабар берди.
Си Цзиньпиннинг сўзларига кўра, дунёда «ноаниқ» вазият юзага келган, бунда Россия ва Хитой стратегик ҳамкорликни ошириши керак. ХХР раҳбари бу дунё барқарорлигига олиб келишига ишонч билдирган.
«Мураккаб, ноаниқ халқаро вазият шароитида стратегик ҳамкорликни йўлга қўйишга, бир-биримизга ривожланиш имкониятларини тақдим этишга, мамлакатларимиз халқлари фаровонлиги ва атрофдаги барқарорлик манфаатлари йўлида глобал ҳамкор бўлишга тайёрмиз», — деди у.
Шунингдек, Хитой раҳбари Россия билан бир томонлама ҳаракат сиёсатига қарши туриш ва икки давлат суверенитети, хавфсизлигини ҳимоя қилиш учун ҳамкорлик қилишга тайёрлигини таъкидлади.
«Хитой Россия ва дунёдаги барча илғор кучлар билан гегемонлик ва куч сиёсатига қарши ҳамкорлик қилишга, протексионизм ва зўравонликка қарши туриш, икки давлат суверенитети, хавфсизлиги ва тараққиёт манфаатларини қатъий ҳимоя қилишга тайёр», — деди Си Цзиньпин.
У, шунингдек, Хитой Россия билан биргаликда халқаро холислик ва адолатни ҳимоя қилишга тайёр эканини қайд этди.
Кремль матбуот котиби Дмитрий Песков Путин ва Си Цзиньпин 30 декабрда музокара ўтказишини айтганди. У музокара очиқ ва ёпиқ режимда ўтишини таъкидлаб, долзарб минтақавий муаммолар муҳокама қилинишини айтган.
Изоҳ (0)