Айни дақиқаларда Шавкат Мирзиёев таълим соҳаси мутасаддилари ҳамда ўқитувчилар билан мулоқот қилмоқда.
Мулоқотда давлат раҳбари олий таълим муассасаларига кириш имтиҳонлари мактабда ўтилган фанлар бўйича ўтказилиши бўйича берилган таклифни маъқуллади.
«Бу номутаносибликка барҳам бериш керак. Мактабда ўтилмаган фанлар бўйича саволлар берилмаслиги керак. Мен бу бўйича топшириқ берганман», — деди давлат раҳбари
Давлат раҳбари Андижон вилоятида қурилаётган Янги Андижон шаҳарчаси ҳақида гапирди.
«500 минг киши яшайдиган Янги Андижон шаҳарчасини барпо этяпмиз. У ерда таълим соҳасига ҳам кўп эътибор қаратамиз. Насиб қилса, Андижон марказидан Янги Андижонга қадар ер усти метросини ҳам олиб борамиз. Нафақат Янги Андижон, барча ҳудудларимизда муаллимларга ҳам, ўқувчиларга ҳам катта эътиборни кучайтирамиз», — деди президент.
Шавкат Мирзиёев, шунингдек, битирувчи синфлардаги ўқитувчилар ҳақида ҳам гапирди.
«Бу ёш бутун келажакни белгилаб берадиган ёш ҳисобланади. Уларни ҳар томонлама ҳамжиҳат қилишимиз керак. Биз уларни ёмон дейишимиздан аввал уларга қандай яхши шароит яратдик, деган саволга жавоб топиш керак. Уларга қанча кўп шароит яратиб берсак, келажагимиз учун шунча кўп яхши бўлиши аниқ», — деди давлат раҳбари.
Изоҳ (0)