Ноябрь ойида Хитойдан электромобиллар экспорти рекорд даражадаги 3,2 миллиард долларни ташкил этди. Бу ҳақда Bloomberg хабар бермоқда.
Маълумотларга кўра, Хитойнинг ноябрь ойидаги электромобиллар экспорти ойлик етказиб бериш бўйича янги рекорддир.
Volkswagen ва BMW каби Европа концернлари Европа мамлакатларида ишлаб чиқариш қуввати йўқлиги сабабли Хитойда электромобиль ишлаб чиқаришни, кейин эса уларни Европага импорт қилишни афзал кўрмоқда.
Натижада, ноябрь ойида Хитойнинг электр транспорт воситаларининг 70 фоизи Европа ҳиссасига тўғри келди.
Шу билан бирга, кетма-кет иккинчи ой электромобиллар Хитойдан жами автомобиль экспортининг ярмидан кўпини ташкил қилди.
Ўзбекистон ҳам ўн бир ойда Хитойдан 1 675 та электромобиль импорт қилган. Биргина ноябрь ойининг ўзида Хитойдан 147 дона электромобиль олиб келинган. Бу бутун бошли 2020 йилги (130 дона) кўрсаткичдан кўра кўпроқ.
Аввалроқ Ўзбекистонда электромобиль ва гибрид автомобиллар 2030 йилгача божхона божидан озод этилиши ҳақида хабар берилган эди.
Изоҳ (0)