Американинг Apple ва Tesla компаниялари акциялари сармоядорларнинг Хитойдан бутловчи қисмлар етказиб бериш билан боғлиқ муаммолардан қўрқиши туфайли кескин тушиб кетди. Бу ҳақда BBC хабар берди.
Хабар қилинишича, Tesla акциялари нархи 109 долларгача тушиб кетган, бу компаниянинг 2021 йил ноябридаги рекорд даражасидан 73 фоизга камайган.
Apple акцияларининг нархи 130 долларгача тушиб кетди, бу 2021 йил июнидан бери энг паст даражадир.
Хитой ҳукуматининг COVID-19 га нисбатан «нол бардошлилик» сиёсати ва бир ҳафталик локдаунлар туфайли компаниялар мамлакатда ишлаб чиқаришни сақлаб қолиш учун кураш олиб борди.
Кўпгина чекловлар олиб ташланганидан сўнг, улар ўз корхоналарида ҳам кадрлар инқирозига дуч келмоқда.
Дунё бўйлаб Марказий банклар томонидан фоиз ставкаларининг ошиши, глобал иқтисодиётнинг секинлашиши ва Украинада давом этаётган уруш фонида инвесторлар эҳтиёткор бўлиши ва йирик сармоялардан ўзини тутиши кутилмоқда.
Изоҳ (0)