Toshkent xalqaro aeroportida 16-dekabr kuni ikki qizni Turkiyaga fohishalikka yuborayotgan ushlandi. Bu haqda Andijon viloyati Ichki ishlar boshqarmasi axborot xizmati xabar berdi.
Qayd etilishicha, o‘tkazilgan tezkor tadbir davomida Shahrixon tumanida yashovchi ayol X.G Andijon tumanida yashovchi E.N va Andijon shahrida istiqomat qiluvchi M.M.larni Turkiya davlatiga fohishalik bilan shug‘ullanish uchun yuborishni reja qilgan.
Buning evaziga Turkiyada yashovchi “Oygul” ismli tanishidan 700 dollar olishga kelishib, kelishilgan 700 dollar hisobidan 150 dollarni olib, E.N va M.M.ni Toshkent xalqaro aeroporti orqali Turkiya davlatiga jo‘natib yuborayotgan vaqtida tadbir ishtirokchilari tomonidan qo‘lga olindi.
Mazkur holat yuzasidan Andijon viloyati Ichki ishlar boshqarmasi huzuridagi Tergov boshqarmasi tomonidan Jinoyat Kodeksining 135-moddasi (Odam savdosi) 2-qismi bilan jinoyat ishi qo‘zg‘atilib, tergov harakatlari olib borilmoqda.
Izoh (0)