Россиянинг Ростов вилояти Новочеркасск шаҳрида 27 декабрь куни ҳарбий казарма ёниб кетди. Бу ҳақда «24 канал» хабар берди.
Маълум қилинишича, ёнғин Персияновский қишлоғидаги 150-мотоўқчилар дивизияси казармасида содир бўлган. Ёнғин ҳарбий бинонинг икки қаватини бутунлай вайрон қилган. Қурбонлар ва ёнғин сабаблари ҳақида маълумот берилмаган.
Воқеа жойидан олинган кадрларда ёнғин катта ҳудудни қамраб олганини кўриш мумкин.
Россиядаги сирли ёнғинлар: жорий маълумотлар
25 декабрь куни Краснодар ўлкасида савдо маркази ёниб кетди. Олов 1000 квадрат метр майдонни қамраб олди. Ёнғинни ўчиришга 63 нафар қутқарувчи ва 18 та техника жалб қилинди.
24 декабрь куни Кемеровода қариялар уйи ёнди. Ҳодиса оқибатида муассасада яшовчи 26 кишидан 20 нафари ҳалок бўлди.
22 декабрда Россиянинг Мурманск вилоятидаги «Звездочка» заводи устахонасида турган «Адмирал Кузнецов» крейсери бортида ёнғин содир бўлди. Крейсердан 20 киши эвакуация қилинган, ҳеч ким жабрланмаган. Ёнғин сабаблари ҳозирча номаълум.
Изоҳ (0)