Ҳиндистонда ўғрилар тўдаси Давлат банки бўлинмаларидан бирининг омборининг тагидан ерости йўли қазиб, 10 миллион рупия (120 минг доллар)га тенг олтинни ўғирлаб кетди. Бу ҳақда «India.com» хабар бермоқда.
twitter.com/Benarasiyaa/status/1606258976521273345
Портал маълумотларига кўра, ўғрилар банк биносининг орқа девори тарафдаги харобазордан уч метрлик туннел ковлаган. Шу тариқа бинога кириб олиб, улар пул солинган ячейкаларни очишга уринган, аммо оча олмаган, сўнг 1,8 килограмм олтинни олиб кетган.
«Профессионал жиноятчиларга, катта эҳтимол билан, банк ишчилари орасидаги информатор ёрдам берган. Биз бир қанча далиллар, шу жумладан, омборхонада бармоқ изларини топдик, улар ўғирликни фош қилишда ёрдам бериши керак», — деди маҳаллий полиция ходими.
Полиция жиноятни фош қилиш учун бир нечта тергов гуруҳларини шакллантирди.
Банк бўлинмаси бошқарувчиси айтишича, ўғирлаб кетилган тиллалар 29 нафар омонатчиларга тегишли бўлган, улар олтинларни қарз олиш учун гаров сифатида қолдирган.
Изоҳ (0)