Туркия парламенти Украинадаги вазиятни тартибга солишдаги саъй-ҳаракатлари учун президент Ражаб Тоййиб Эрдўғонни тинчлик бўйича Нобель мукофотига номзод қилиб кўрсатди. Бу ҳақда Yeni Safak хабар берди.
Эрдўғон номзодини Туркия парламенти – Буюк Миллат Мажлиси раиси Мустафо Шентоп илгари сурган. «Россия ва Украина ўртасида тинчлик ўрнатиш борасидаги саъй-ҳаракатлари учун президент Эрдўғонни тинчлик бўйича Нобель мукофотига номзод қилиб кўрсатдим. Менинг бу бўйича аризам бор», — дейди у.
Туркия президенти бир неча бор Россия ва Украина раҳбарлари Владимир Путин ҳамда Владимир Зеленский ўртасида учрашув ташкил этишни таклиф қилган. Март ойида Истанбулда Россия ва Украина делегациялари ўртасида музокаралар бўлиб ўтган. 22 июнь куни Туркия ва БМТ кўмагида Россия ва Украина ўртасида ғалла бўйича келишувга эришилган.
Эслатиб ўтамиз, 2022 йилда Тинчлик бўйича Нобель мукофоти Россиянинг Memorial маркази (Россия Федерациясида хорижий агент сифатида тан олинган, Адлия вазирлиги томонидан фаолияти тугатилган), беларуслик ҳуқуқ ҳимоячиси Алес Беляцкий ва Украина фуқаролик эркинлиги марказига берилганди.
Мавзуга доир: Зеленский ва Украина халқини тинчлик бўйича Нобель мукофотига илгари суриш таклиф қилинди
Изоҳ (0)