Уруш оқибати: Арманистон ва Грузия валюталари жаҳон рейтингида ўсиш бўйича етакчиликка эришди

Грузия, Арманистон ва Тожикистон миллий валюталари йил давомда энг кўп ўсган валюталарга айланди. Бунга сабаб эса Украинадаги уруш ортидан ушбу мамлакатларга россияликларнинг кириб келиши бўлди. Бу ҳақда Bloomberg хабар берди.

Шундай қилиб, йил бошидан бери арман драми, АҚШ долларига нисбатан 22 фоиздан ортиқ ўсди ва жаҳон валюталари орасида ўсиш бўйича етакчига айланди. Грузия лариси ва тожик сомони долларга нисбатан мос равишда 16 фоиз ва 10 фоиздан ортиқ мустаҳкамланди.

Грузия Миллий банки маълумотларига кўра, жорий йилда Россиядан мамлакатга келадиган пул ўтказмалари ҳажми беш бараварга ошган. Бу барча ўтказмаларнинг 60 фоиздан ортиғини ташкил этиб, 1,75 миллиард доллардан ошган.

Биринчи ўн ойда Арманистонга пул ўтказмалари 2,8 миллиард долларни ташкил этди. Бу ўтган йилнинг шу даврига нисбатан қарийб тўрт баробар кўпдир.

Арманистон Марказий банки қайд этишича, октябрь ойида уларнинг ҳажми камида 2004 йилдан бери максимал даражага етди.

«Тожикистонда биринчи ярим йилликда пул ўтказмалари оқими камида 50 фоизга ошди», — деди BCS молиявий гуруҳи мутахассиси Наталя Лаврова тўлов баланси маълумотларига таяниб.

Россияликларнинг кириб келиши бу мамлакатлар иқтисодиётининг ўсишига туртки бўлди. Халқаро валюта жамғармасининг сўнгги прогнозларига кўра, жорий йилда Грузия ялпи ички маҳсулотининг ўсиши 10 фоизни ташкил этади.

Октябрь ойида ХВЖ буни 8,8 фоиз, Украинада уруш бошланишидан олдин эса 5,9 фоиз даражасида прогноз қилган. Октябрь ойида Арманистон Марказий банки ялпи ички маҳсулотнинг ўсиши прогнозини деярли бир даражага, яъни 1,6 фоиздан 13 фоизга оширган.

Лаврованинг сўзларига кўра, жорий йилда Тожикистон иқтисодиёти 7 фоизга ўсган (аввал прогноз қилинган ўсиш 4—5 фоиз эди).

Арманистон миграция хизмати хабар беришича, октябрь ойи охирига келиб мамлакатга 786 мингдан ортиқ россиялик кириб келган, 744 минг нафари эса қайтиб келган.

Шундай қилиб, 40 мингдан ортиқ Россия фуқаролари мамлакатда қолди. Бу ўтган йилга нисбатан 2,5 баробар кўпдир. Кейин 16 мингдан бир оз кўпроқ россиялик Арманистонга жойлашди.

4,2 мингдан ортиқ Россия фуқаролари ва уларнинг 1,3 мингдан ортиқ оила аъзолари мамлакатда яшаш учун рухсат олиш учун ариза топширган.

Грузия Ички ишлар вазирлиги маълумотларига кўра, мамлакатга январдан сентябргача келган 112 733 нафар россиялик бор.

Мавзуга доир: Ўзбек сўми қадрсизланишни бошлади. Бунга нима сабаб бўлмоқда?