Қишки таътил, айниқса болажонлар учун Янги йил мультфильмларини кўриб чиқиш учун энг яхши вақт. People Talk нашри байрам совғаси тарзида энг яхши байрамона мультфильмлар номини санаб ўтди.
«Простоквашинодаги қиш» (1984)
Янги йил шукуҳи барча машҳур ва севимли қаҳрамонлар билан бирга пайдо бўлади. Фёдор амаки, Шарик ва Матроскин аллақачон яқин бўлиб қолган. Навбатдаги таътилни уларсиз ўтказиб бўлмайди.
«Рождество олдидан даҳшатли туш» (1993)
Тим Бёртоннинг мультфильми ихтиро қилинган Хеллоуин шаҳри ҳақида ҳикоя қилади. Унинг аҳолиси бир-бирларини қўрқитади. Бир куни ушбу шаҳарнинг раҳбари Жек Скеллингтон тасодифан Рождество шаҳрига киради. У ерда содир бўлаётган воқеалардан ҳайратда қолиб, кўплаб мўъжизалар қилиш учун Санта Клаус бўлишга қарор қилади. Аммо ёвуз одамлар унга тўсқинлик қилади.
«Почтачи қорбола» (1955)
Қорбола ва унинг кучукча дўсти болаларнинг хатларини етказиб бериш ва Рождество арчасини сўраш учун хавфли ўрмон орқали Қорбобоникига саёҳатга бориши ҳақидаги ёқимли ҳикоя.
«Рудолф — қизил бурунли буғу» (1964)
Кийик Рудолфнинг қизил бурни бошқаларникидан ажралиб туради. Хўш, бу яхшими? Саволга жавобни мультфильм томошасидан кейин бериш мумкин.
«Қандай қилиб Гринч Рождествони ўғирлади?» (1966)
Ушбу мультфильмни нафақат таътилда, балки Янги йил олдидан ҳам томоша қилиш тавсия этилади.
«Шимол буғуси Рудолф» (1998)
Рудолф ҳақидаги мультфильмларнинг барчаси ҳам ўзига хос қизиқарли сюжетга эга.
«Янги йил кечаси» (1948)
Икки мавжуд бўлмаган қаҳрамонлар (Қорбобо ва Лешй) болалар учун байрамни ташкил этишга ҳаракат қилаёган бир вақтда эски ва янги мўъжизалар ҳақида баҳслаша бошлайди.
«Клаус» (2019)
Мультфильм Қорбобонинг Янги йил рамзига айланишидан олдинги ҳикоясини сўзлаб беради. Мафтункор, қизиқарли, чиройли тарзда ишланган мультфильм сизни зериктирмайди!
«Янги йил ҳикояси» (2009)
Бу Чарльз Диккенснинг очкўз Эбенезер Скруж ҳақидаги романи асосида ишланган мультфильм. У пулни ер юзидаги асосий бахт деб билишга одатланган, у фақат фойдани қадрлайди ва байрам бу фойдани ундан ўғирлайди, чунки одамлар ишламайди, дам олади. Эбенезер қийин кечани бошдан кечириши керак, аммо бу воқеалар уни ўз эътиқодининг нотўғрилигига ишонтиради. Скруже бошқа одамга айланади.
Мавзуга доир:
Изоҳ (0)