Қишки бўрон АҚШда газ ишлаб чиқариш билан боғлиқ муаммоларга олиб келди. 23 декабрь, жума куни бу кўрсаткич қарийб 2,8 миллион куб метрга камайди — бу сўнгги ўн йилдан ортиқ вақт давомида ишлаб чиқаришнинг рекорд даражада қисқариши, деб ёзади Bloomberg.
Асосий ишлаб чиқарувчи ҳудудларда ҳарорат музлаш даражасидан пастга тушгани сабабли ишлаб чиқариш аввалги кунга нисбатан тахминан 10 фоизга камайган.
Шу билан бирга, 2019 йил бошидан бери аҳолининг газга бўлган ички талаби максимал даражага кўтарилди.
АҚШда бу ҳафта кескин совуқ кузатилиб, кучли шамол бўлди ва қор ёғди. Кўпгина штатларда ҳаво ҳарорати рекорд даражага тушиб кетди.
Техас энергетика бўйича фавқулодда ҳолат эълон қилди. 1 миллионга яқин аҳоли электрсиз қолмоқда.
Аввалроқ АҚШда кучли қор бўрони қурбонлари сони 23 кишига етгани ҳақида хабар берилган эди.
Изоҳ (0)