Россия Озарбайжон билан мамлакатда тақчиллик мавжуд бўлган бир пайтда газ етказиб бериш ҳажмини оширишга келишиб олди, Бу ҳақда Россия бош вазири ўринбосари Александр Новакка таяниб «Коммерсантъ» хабар бермоқда.
Новакнинг сўзларига кўра, Ўзбекистон ва Қозоғистонга газ етказиб бериш ҳажмини ошириш бўйича музокаралар олиб борилмоқда. Бу икки мамлакат ҳудуди орқали газ Афғонистон ва Покистонга юборилиши ҳам мумкин.
«Биз Ўзбекистон ва Қозоғистондаги ҳамкорларимиз билан уларнинг ички бозорига газ етказиб бериш ҳажмининг ўсишини муҳокама қилмоқдамиз, чунки уларнинг истеъмоли ортиб бормоқда», — дейди Новак. Унинг сўзларига кўра, Озарбайжон газ қазиб олишни кўпайтирса, Боку билан своп бўйича музокаралар олиб борилиши мумкин.
15 ноябрь куни Москва янги шартнома асосида Озарбайжонга табиий газ етказиб беришни бошлади. Етказиб бериш муддати 2023 йилнинг мартигача, уларнинг ҳажми 1 миллиард куб метрдан ошмайди, келишув шартлари ошкор этилмаган.
Аввалроқ Ўзбекистонда табиий газ ишлаб чиқариш ҳажми камайгани ҳақида хабар берилган эди.
Изоҳ (0)