Ўзбекистонда тўланган кэшбэклар қарийб 700 млрд сўмга етди

Ўзбекистонда истеъмолчиларга тўланган кэшбэклар миқдори 602 миллиард сўмдан ошди. Бу ҳақда Давлат солиқ қўмитаси хабар бермоқда. 

Қайд этилишича, йил бошидан  бери (январь—ноябрь) 1,7 млн нафар истеъмолчига кэшбэклар тўлаб берилган. Ноябрь ойида тўлаб берилган кэшбэклар миқдори 85,9 млрд сўмни ташкил қилган. 

Октябрь ойи учун 1,2 млн нафар истеъмолчига 87 млрд сўм кэшбэк тўланган эди. Сентябрь ойида ҳам 1,2 млн нафар истеъмолчига 90,5 млрд сўм миқдорида кэшбэк тўлаб берилган. Бу ҳозирча рекорд бўлиб турибди. 

Фойдаланувчи шахсини аниқлаш ва хавфсизлик мақсадида 500 000 сўмдан ортиқ кэшбэк маблағларини банк картасига ўтказишда Face ID (авторизация) дан ўтиш талаб этилади. 

Аввалроқ Ўзбекистонда онлайн кассалар орқали берилган чекларни таҳрирлашга рухсат берилган эди.