Санкт-Петербургдаги норасмий саммитда МДҲ мамлакатлари вакилларига Янги йил табриклари ёзилган узуклар совға қилинди. Бу ҳақда Беларусь президенти Александр Лукашенкога яқин бўлган «Пул Первого» Telegram-канали хабар берди.
Совғани Лукашенкодан ташқари, тўққиз нафар етакчи: Россия, Озарбайжон, Қозоғистон, Қирғизистон, Тожикистон, Туркманистон ва Ўзбекистон президентлари Владимир Путин, Илҳом Алиев, Қосим-Жўмарт Тўқаев, Садир Жапаров, Эмомали Раҳмон, Сердар Бердимуҳамедов, Шавкат Мирзиёев ҳамда Арманистон бош вазири Никол Пашинян қўлга киритган.
Узукнинг ўртасига МДҲ рамзи туширилган, ички қисмига эса катта ҳарфлар билан «Янги 2023 йил муборак» деган табрик ёзилган. Шунингдек, узукда саммит ўтказилган мамлакат — Россия номини ҳам кўриш мумкин.
Саммит Санкт-Петербургда 26 декабрь куни Б.Н.Ельцин номидаги кутубхонада бўлиб ўтди. Сиёсатчилар қарийб етти соат давомида мулоқот қилди.
Саммит бугун, 27 декабрь куни ҳам давом этади.
Мавзуга доир:
Изоҳ (0)