Россиянинг Санкт-Петербург шаҳри «Смолнинское» муниципал округи депутати Никита Юферев Россия Бош прокуратураси ва Ички ишлар вазирлигига Владимир Путинга нисбатан Россия армияси ҳақида «фейк» маълумотларни тарқатиш моддаси бўйича жиноий иш қўзғатиш талаби билан мурожаат қилди.
Юферев Россия президентининг 21 декабрь куни Кремлда бўлиб ўтган матбуот анжуманида «уруш» сўзини ишлатган нутқи юзасидан текширув ўтказишни сўрамоқда.
«Мақсадимиз ҳарбий можаро ғилдирагини айлантириш эмас, аксинча, бу урушни тугатиш, биз шунга интиляпмиз ва бундан кейин ҳам ҳаракат қиламиз», — деган Путин журналистларга.
«Уруш ҳақидаги бундай сўзлар учун шу вақтгача бир неча минг киши ҳукм қилинган. Путиннинг армия ҳақида ‘фейк’ хабарлар тарқатгани учун жавобгарликка тортиш бўйича органга мурожаат юбордим», — деб тушунтирди Юферев.
Владимир Путин назвал войну войной: «Наша цель - закончить эту войну». Но указа о завершении СВО не было, войну не объявляли. За такие слова про войну осудили уже несколько тысяч человек. Направил обращение в органы, чтобы Путина привлекли за распространение фейков об армии pic.twitter.com/dEmNSyNwyQ
— Никита Юферев (@NikitaYuferev) December 22, 2022
Изоҳ (0)