БМТнинг Озиқ–овқат ва қишлоқ хўжалиги ташкилоти (FAO) ва Тошкент шаҳридаги Халқаро Вестминстер университети (ТХВУ) билан ҳамкорликда озиқ-овқат нархлари маълумотларини тарқатиш ва таҳлил қилишни осонлаштириш учун веб-восита бўлган озиқ-овқат нархлари мониторинги ва таҳлилини (FPMA) ишга туширди, деб хабар бермоқда ЎзА.
Ушбу воситани ишга туширишдан мақсад — уни миллий ва халқаро ҳамжамият ва қарор қабул қилувчиларга нарх тўғрисида ишончли маълумот бериш учун қимматли оммавий воситага айлантириш. Нархлар тўғрисидаги маълумотлардан турли хил миллий институтлар, халқаро ташкилотлар, илмий доиралар ва оммавий ахборот воситалари фойдаланишлари мумкин.
Қайд этилишича, FPMA катта ҳажмдаги нарх маълумотларини осон йўл билан олиш имконини беради. Бу фойдаланувчиларга аниқ бир маҳсулот нархини тезда кўриб чиқиш, мамлакат — бозор — товар ўртасида таққослаш, графикалар, маълумотлар ва ўртача кўрсаткичлар, фоиз ўзгаришлари каби асосий статистик маълумотларни юклаб олишига хизмат қилади.
Ўзбекистондаги восита уч тилда — ўзбек, инглиз ва рус тилларида мавжуд. Бугунги кунда ушбу восита 2019 йил январь ойидан бошлаб деҳқон бозорларидаги 77 та озиқ-овқат маҳсулотлари тўғрисидаги маълумотларни ўз ичига олади. Шу билан бирга марказ маҳаллий чакана бозордан маълумотлар йиғишни ҳам бошлаган.
Бундан ташқари, ушбу восита Ўзбекистон ҳукуматига 2020—2030 йилларда қишлоқ хўжалигини ривожлантириш стратегиясини амалга оширишда ёрдам беради. Нархлар ва бозор маълумотлари тизимлари қишлоқ хўжалигини ривожлантириш учун, айниқса, кичик ер эгалари ва озиқ-овқат ишлаб чиқарувчилар учун муҳим.
Изоҳ (0)