Аргентина терма жамоаси ҳужумчиси Лионель Месси ЖЧ—2022 дан кейинги фикрлари билан ўртоқлашди.
«ЖЧ—2022 даги ғолиблик ҳақида
Ҳаммаси шундай рўй берганига ақл бовар қилмайди. Анчадан бери ғалаба қозонишни истардим. Яратган бу ишни қилишимга йўл очишини билардим, менда шундай туйғу бор эди. Энди келинг ғалабадан баҳра олайлик.
Бу узоқ кутилган кубок ва у шу ерда. Уни қўлга киритиш учун анча тер тўкишимизга тўғри келди, бироқ якунда ўз мақсадимизга эришдик.
Аргентинага қайтишни интизорлик билан кутяпман, у ерда қандай жинниликлар рўй бераётганини тасаввур қиляпман.
Терма жамоадаги келажаги ҳақида
Албатта, фаолиятимни шу тариқа тугатишни истагандим, бундан ортиғини сўраш мумкин эмас. Барчаси учун Худодан миннатдорман. Америка Кубоги ва Жаҳон Чемпионатида ғолиб чиқишга эришдим ва бу фаолиятимнинг деярли охирида юз берди.
Мен футбол ва ўзим шуғулланаётган ишни севаман. Менга терма жамоада, бу жамоада бўлиш ёқади. Жаҳон чемпиони сифатида ўйнаш қанақа бўлишини ҳис қилиб кўрмоқчиман», — дейди Месси.
Мавзуга доир:
Изоҳ (0)