Futbol bo‘yicha 2022-yilgi Jahon Chempionatining eng yaxshilari aniqlandi.
Musobaqaning eng yaxshi o‘yinchisi nomiga Argentina terma jamoasi hujumchisi Lionel Mesi loyiq ko‘rildi. Messi turnir davomida 7 ta gol urdi va uchta golli uzatma muallifiga aylandi.
Eng yaxshi yosh o‘yinchi sifatida Enso Fernandes (Argentina) e’tirof etildi. Enso mundialda eng yaxshi yosh o‘yinchi nomiga loyiq ko‘rilgan janubiy amerikalik ilk futbolchi bo‘ldi.
Argentina posboni Emiliano Martines musobaqaning eng yaxshi posboniga topshiriladigan “oltin qo‘lqop”ga ega chiqdi.
Eng yaxshi to‘purar Kilian Mbappe (Fransiya) esa “Oltin butsi”ni qabul qilib oldi. U musobaqa davomida 8 ta gol urdi.
Qayd etish kerak, Jahon Chempionati tarixida ilk bor musobaqaning eng yaxshi o‘yinchisi, eng yaxshi yosh o‘yinchi va eng yaxshi darvozaboni nominatsiyalarida bitta jamoa vakillari g‘olib bo‘ldi.
Izoh (0)