Argentina terma jamoasi hujumchisi Lionel Messi JCH—2022 dan keyingi fikrlari bilan o‘rtoqlashdi.
“JCH—2022 dagi g‘oliblik haqida
Hammasi shunday ro‘y berganiga aqlbovar qilmaydi. Anchadan beri g‘alaba qozonishni istardim. Yaratgan bu ishni qilishimga yo‘l ochishini bilardim, menda shunday tuyg‘u bor edi. Endi keling g‘alabadan bahra olaylik.
Bu uzoq kutilgan kubok va u shu yerda. Uni qo‘lga kiritish uchun ancha ter to‘kishimizga to‘g‘ri keldi, biroq yakunda o‘z maqsadimizga erishdik.
Argentinaga qaytishni intizorlik bilan kutyapman, u yerda qanday jinniliklar ro‘y berayotganini tasavvur qilyapman.
Terma jamoadagi kelajagi haqida
Albatta, faoliyatimni shu tariqa tugatishni istagandim, bundan ortig‘ini so‘rash mumkin emas. Barchasi uchun Xudodan minnatdorman. Amerika Kubogi va Jahon Chempionatida g‘olib chiqishga erishdim va bu faoliyatimning deyarli oxirida yuz berdi.
Men futbol va o‘zim shug‘ullanayotgan ishni sevaman. Menga terma jamoada, bu jamoada bo‘lish yoqadi. Jahon chempioni sifatida o‘ynash qanaqa bo‘lishini his qilib ko‘rmoqchiman”, — deydi Messi.
Mavzuga doir:
Izoh (0)