Twitter эгаси Илон Маск ижтимоий тармоқда компания раҳбари лавозимидан кетиши керак-керак эмаслиги ҳақида сўров ташкил қилди.
Should I step down as head of Twitter? I will abide by the results of this poll.
— Elon Musk (@elonmusk) December 18, 2022
«Twitter раҳбарлигидан кетишим керакми? Мен ушбу сўров натижаларига амал қиламан», — деб ёзди Маск.
Айни пайтга қадар фойдаланувчиларнинг аксарияти — 56 фоиздан ортиғи бизнесменнинг Twitter’ни тарк этишини ёқлаб овоз берган. 43 фоиздан зиёди эса қарши чиққан.
Овоз бериш яна 6 соат давом этади.
Сал кейинроқ эълон қилинган навбатдаги постида Маск шундай деб ёзди: «Ўз тилакларингдан қўрқ, дейишади, улар амалга ошиши мумкин».
Илон Маск Twitter’ни 44 миллиард долларга сотиб олди. Ўшандан буён у кўплаб шов-шувли қарорларни қабул қилмоқда. Чунончи, у кўк верификация белгисини пулли қилиб қўйди, ходимларнинг ярмини ишдан бўшатди, Дональд Трампнинг аккаунтини блокдан чиқарди ва, гўёки, жосуслик билан шуғулланган журналистлар аккаунтларини блоклаб қўйди.
Аввалроқ Илон Маск ижтимоий тармоқ фойдаланувчилари орасида АҚШ собиқ президенти Дональд Трампнинг аккаунтини қайтариш ёки қайтармаслик ҳақида ҳам овоз бериш ташкил қилганди. 51,8 фоиз фойдаланувчилар буни ёқлаб чиққач, Трампнинг аккаунти қайта тикланганди.
Изоҳ (0)