Twitter ijtimoiy tarmog‘i reklama beruvchilarning bilan shartnomalarning kamayib ketgani va yaqin oradagi qarz to‘lovlari tufayli yangi investorlarni qidirmoqda. Bu haqda Semafor xabar berdi.
Ma’lumotlarga ko‘ra, Twitter egasi Ilon Maskning oilaviy ofis boshqaruvchi direktori Jared Burchall shu hafta potensial investorlarga kompaniya aksiyalarini 54,2 dollardan sotib olishni taklif qildi.
Bu Mask oktabr oyida kompaniyani sotib olishda har bir aksiya uchun to‘lagan summaga teng.
Tesla elektromobil ishlab chiqaruvchisi investori, avvalroq Maskning Twitter'ni sotib olishiga qariyb 1 million dollar sarmoya kiritgan Ross Gerber kompaniya vakillari u bilan payshanba kuni kechqurun moliyalashtirishning navbatdagi bosqichini muhokama qilish uchun bog‘langanini aytdi.
Ilon Mask Twitter’ni sotib olganidan so‘ng, uning boshqaruv siyosati tufayli ko‘plab reklama beruvchilar ijtimoiy tarmoq bilan shartnomalarini to‘xtatib qo‘ygan va bu jarayon davom etmoqda.
Bu kompaniyaning daromadlari va 13 milliard dollarlik qarzi bo‘yicha foizlarni to‘lash qobiliyatiga jiddiy ta’sir ko‘rsatadi.
Mavzuga doir: Maskning siyosati tufayli Twitter asosiy reklama beruvchilarini yo‘qotmoqda
Izoh (0)