Amerikalik tadbirkor va Twitter egasi Ilon Mask jurnalistlarning bloklangan akkauntlarini zudlik bilan tiklashini aytdi. Bu haqda u ijtimoiy tarmoqda ma’lum qilgan.
“Mening joylashuvim haqida xabar bergan akkauntlarni bloklash endi to‘xtatiladi”, — deb yozdi u Twitter’dagi sahifasida.
Mask Twitter’da foydalanuvchilardan “aniq joylashuvini oshkor qilgan” jurnalistlarning akkauntlarini qachon blokdan chiqarishni hal qilishni so‘rab so‘rov o‘tkazgan edi.
Dastlab so‘rovnomada to‘rtta javob varianti mavjud edi: “darhol”, “ertaga”, “bir haftada”, “uzoqroq vaqt ichida”. Respondentlarning aksariyati (43 foiz) hisoblarni blokdan chiqarishni zudlik bilan qo‘llab-quvvatlagan.
Biroq, so‘rovnoma natijalari e’lon qilinganidan so‘ng, Mask ikkita variantga ega bo‘llan yangi so‘rovni o‘tkazishga qaror qildi.
Natijada ovoz berganlarning 58,7 foizi zudlik bilan blokdan chiqarish tarafdori, yana 41,3 foizi hisoblarni yetti kun ichida blokdan chiqarish tarafdori bo‘ldi.
Avvalroq Twitter bir qator amerikalik jurnalistlarning akkauntini bloklagani haqida xabar berilgandi.
Izoh (0)