Американинг киноижодкорлари томонидан суратга олинган «Уэнздей» сериали Netflix’да бир миллиард соатдан ортиқ томоша қилинган лойиҳага айланди. Бунга бир ойдан камроқ вақт керак бўлди, сериалнинг биринчи қисми 23 ноябрда тақдим этилган эди.
Netflix’да яна иккита: «Калмар ўйини» ва «Ғалати нарсалар» сериалининг тўртинчи мавсуми шунга ўхшаш рақамларда томоша қилинган. «Уэнздей», шунингдек, «Монстр: Жеффри Дамер ҳикояси» лойиҳасидан ўзиб кетди ва стриминг хизмати тарихидаги энг кўп томоша қилинган инглиз тилидаги иккинчи шоуга айланди.
«Уэнздей» сериали Аддамслар оиласи, унинг вакили Уэнздейнинг қизиқарли ҳаёти ҳақида ҳикоя қилади. Сюжетга кўра, бош қаҳрамон сирли Невермор академиясига ўқишга боради ва у ерда бир қатор қотилликларни тўхтатади, ота-онасининг қандай танишгани ҳақидаги сирни билишга ҳаракат қилади. Сериалда бош ролларни Женна Ортега, Кетрин Зета-Жонс, Гвендолин Кристи ва Кристина Риччи ижро этган бўлиб, бир нечта эпизодлар режиссёр Тим Бартон томонидан суратга олинган.
Шоу яқинда «Энг яхши комедик мусиқий шоу» ва «Энг яхши бош ролдаги актриса» номинациясида «Олтин глобус» мукофотининг номзодлар рўйхатига киритилди.
Изоҳ (0)