АҚШ озиқ-овқат бозорларининг барқарорлигини ошириш учун Африкага қўшимча 2,5 миллиард доллар юборади. Бундай қарор АҚШ президенти Жо Байден томонидан қабул қилинди, деб хабар бермоқда Оқ уй матбуот хизмати. Вашингтон ва Африка Иттифоқи, шунингдек, озиқ-овқат хавфсизлиги бўйича стратегик ҳамкорликни йўлга қўйишга келишиб олди.
Бундай келишувларга Вашингтонда Африканинг 49 давлати иштирок этган АҚШ—Африка саммити якунларида эришилган. Қўшма Штатлар ва Африка Иттифоқи ўртасидаги стратегик шериклик «қисқа муддатда озиқ-овқат ва ўғитларга шошилинч ва ўткир эҳтиёжларни қондириш учун давлат ва хусусий секторни» жалб қилиш режалаштирилган.
«Биз 2023 йил февраль ойида ўтказиладиган Африка Иттифоқи саммитига қадар узоқ муддатли мақсадларга эришиш учун ҳаракат режасини ишлаб чиқишни мақсад қилганмиз», — дейилади қўшма баёнотда.
АҚШ—Африка саммити саккиз йил ичида биринчи марта ўтказилди. The Washington Post ёзганидек, тадбир мақсадларидан бири — Африка мамлакатларига Россия ва Хитой билан ҳамкорлик қилишдан кўра, АҚШ билан ҳамкорлик фойдалироқ эканини кўрсатиш. Америкаликлар бу икки давлатнинг Африкадаги ролини беқарорлик деб атайди.
БМТ, шунингдек, Украинада уруш бошланганидан кейин энг қашшоқ мамлакатларда очарчилик хавфидан огоҳлантирди. Ташкилот маълумотларига кўра, жорий йилда Украинадаги можаро туфайли яна 13 миллионга яқин одам тўйиб овқатланмаслик муаммосига дуч келмоқда.
Мавзуга доир: Жазоир президенти мамлакат БРИКСга қўшилишга тайёрлигини маълум қилди
Изоҳ (0)