Тошкент вилояти Янгийўл туманида 15 декабрь куни ташландиқ бинода ёнғин содир бўлди. Бу ҳақда туман ҳокимлиги ахборот хизмати хабар бермоқда.
Қайд этилишича, тунги соат 23:49 да Янгийўл тумани ФВБ навбатчи диспетчерига «Саховат» МФЙ Зиёли кўчасида жойлашган қишлоқ хўжалигига тегишли эски ташландиқ бинода ёнғин содир бўлгани ҳақида хабар келиб тушган.
Ёнғин жойига туман ФВБнинг ёнғин ўчириш бўлинмалари 23:56 да етиб борган ва ёрдамга 1 та водавоз ва 2 та ёнғин ўчириш бўлинмаси чиққан. Ёнғин оқибатида туман ҳокимияти ҳисобига 2020 йил ўтган эски бинонинг 80 квадрат метр майдонда том шифти ёниб зарарланган, фуқароларда куйиш ва тан жароҳати олиш ҳолатлари бўлмаган.
Ёнғин келиб чиқишига электр симларининг эскириб кетгани ҳамда намлик даражаси юқори бўлгани натижасида қисқа туташув келиб чиққани сабаб сифатида келтирилган.
Мавзуга доир:
Изоҳ (0)