Ҳиндистон бош вазири Нарендра Моди Россия президенти Владимир Путин билан телефон орқали суҳбатда уни «мулоқот ва дипломатияга» чақирди. Бу ҳақда The Indiaн Express хабар берди.
«Путин билан суҳбат чоғида Бош вазир Моди Украинада давом этаётган можарони ҳал қилишнинг ягона йўли сифатида мулоқот ва дипломатияга чақирувини яна бир бор таъкидлади», — дейилади баёнотда.
Томонлар энергетика, савдо, сармоя, мудофаа ва хавфсизлик соҳасидаги ҳамкорликни ҳам муҳокама қилган. Ҳиндистон бош вазири Украинадаги урушда ядро қуролидан фойдаланиш билан таҳдид қилганидан сўнг Владимир Путин билан ҳар йили юзма-юз бўлиб ўтадиган саммитни бекор қилганди.
Ҳиндистоннинг қарори сентябрь ойида Ўзбекистонда бўлиб ўтган минтақавий саммитда, Моди Путинни Украинада тинчлик ўрнатишга ундаганида маълум бўлган. Кремль Ҳиндистонни оммага Украинадаги уруш сабабли халқаро танқидларга қўшилмаган, кўпроқ савдога интилаётган асосий давлат сифатида намойиш қилган. Ҳиндистон Ташқи ишлар вазирлиги вакили электрон почта орқали саммит бекор қилинганига изоҳ беришдан бош тортган.
Мавзуга доир: Ҳиндистоннинг Россия–Украина бўйича позицияси эълон қилинди
Изоҳ (0)