Германиянинг Adidas компанияси Аргентина терма жамоаси ҳужумчиси Лионель Мессининг либосларига бўлган талабни қондира олмаяпти.
Marca нашрининг хабарига кўра, Adidas Аргентина термасининг 10-рақамли либосини бутун дунё бўйлаб ва барча ўлчам тоифаларида ишлаб чиқаришда танқисликка дуч келмоқда.
Компания маҳсулотлар жуда яхши сотилишини тахмин қилган, бироқ талаб бу қадар ошиб кетишини кутмаган.
Adidas 18 декабрь куни Жанубий Америка жамоаси ЖЧ—2022 финалида ғалаба қозонган тақдирда, савдо нуқталарини либослар билан таъминлашда муаммо келиб чиқмаслиги учун ушбу масалани кўриб чиқмоқда.
Ҳозирги тақчиллик қалбаки либосларни ишлаб чиқариш ва сотилишига олиб келмоқда. Бу айёрликлар Аргентина футбол ассоциациясига ҳам маълум.
Аргентина терма жамоаси 18 декабрь, якшанба куни Жаҳон Чемпионати финалида Францияга қарши майдонга тушади.
Изоҳ (0)