Футбол бўйича ЖЧ—2022 ярим финали доирасида кечган Франция ва Марокаш терма жамоалари ўртасидаги ўйиндан (2:0) кейин қатор шаҳарларда тартибсизликлар юзага келди.
Франциянинг Париж, Ланс, Ницца, Монпелье ва бошқа шаҳарларида тартибсизликлар келиб чиққан. Уларнинг аксариятига полиция аралашган. France24 хабарига кўра, 170 дан зиёд киши ҳибсга олинган, уларнинг 100 дан зиёди Парижда ушланган.
Le Figaro’га кўра, Парижда 101 киши ҳибсга олинган. Қайд этилишича, ултраўнгларга яқин бўлган гуруҳ ҳам қўлга олинган. Улар 40 кишидан иборат бўлиб, қуролланган бўлган ва Елисей майдонига киришга уринган.
Парижда тартибсизликларни жиловлаш учун 2,2 мингдан ортиқ полиция ва жандарм жалб қилинган. Франция бўйлаб умумий миқдорда 10 мингга яқин полициячи сафарбар этилган.
Бельгиянинг Брюссель шаҳрида ҳам марокашликлар мухлислар тартибсизликлар келтириб чиқарган. Жанубий вокзалда тўпланган ишқибозлар полиция томон фаерлар ва бошқа буюмларни улоқтирган, чиқинди идишлари, турли нарсалар ёқиб юборилган. Полиция эса тартибсизликларни бостириш учун сув отувчи мослама ва кўздан ёш оқизувчи газдан фойдаланган.
Аввалроқ Нидерландиянинг қатор шаҳарларида тартибсизликларни олдини олиш мақсадида Марокаш иштирокидаги ўйинларни одам тўпланадиган катта майдонларда намойиш қилиш тақиқлангани ҳақида хабар берилганди.
Мавзуга доир: Парижда Марокаш ва Франция терма жамоаси мухлислари иштирокида оммавий тартибсизликлар юзага келди (видео)
Изоҳ (0)