Дидье Дешам ЖЧдаги ғалабалар сони бўйича Сколарига етиб олди, фақат бир мураббий ундан олдинда

Франция терма жамоаси ЖЧ—2022 ярим финалида Марокашни мағлубиятга учратди (2:0) ва мундиал финалига йўл олди.

Бу французлар устози Дидье Дешам учун Жаҳон Чемпионатларидаги 14-ғалаба бўлди. Шунингдек, мутахассис ҳисобида иккитадан дуранг ва мағлубият бор.

Дешам ғалабалар сони бўйича Бразилия ва Португалия терма жамоалари собиқ бош мураббийи Луис Фелипе Сколарига етиб олди.

Фақат Германия собиқ устози Ҳелмут Шен (16) Дешамдан кўп ғалабага эришган.

Шунингдек, Дешам мураббий сифатида кетма-кет иккита мундиал финалига чиққан тарихдаги тўртинчи мутахассис бўлди. Ундан аввал Витторио Поцсо Италия билан (1934 ва 1938), Карлос Билардо Аргентина билан (1986 ва 1990), Франс Беккенбауэр Германия билан (1986 ва 1990) бу ишни уддалаганди.

Мавзуга доир:

• Франция амалдаги чемпион сифатида мундиал финалига чиққан тарихдаги 4-жамоага айланди
• ЖЧ—2022. Франция ва Аргентина финалда, Марокаш ҳамда Хорватия бронза учун баҳс олиб боради