Бухорода фуқаролар укасининг тўйида кортежга юк машиналарини қўшиб ҳаракатланди. Улар йўл қоидаларини бузган (видео)

Бухоро вилояти Бухоро туманидан ўтувчи халқаро аҳамиятга эга йўлда фуқаролар томонидан йўл қоидалари бузилгани аниқланди. Ҳолат юзасидан вилоят ички ишлар бошқармаси маълумот берди.

Аниқланишича, ромитанлик ака-укалар кенжа укасининг тўйи эсда қоларли бўлиши учун тўй кортежига юк автомобиллари билан қўшилган. Йўл давомида улар ҳаракатланиш қоидаларини қўпол равишда бузиб, магистрал йўлни тўлалигича тўсиб олган.

М-37 йўли халқаро аҳамиятга эга бўлиб, ака-укаларнинг бу хатти-ҳаракатлари ўнлаб автомобиллар учун ЙТҲ ҳолатларини келтириб чиқариши мумкин эди.

«Нотўғри иш қиляпмиз деб ўйламагандик. Хато қилганимизни тушундик», — дейди улар. Ҳолат юзасидан ака-укаларга нисбатан маъмурий баённома расмийлаштирилиб, машиналар жарима майдонига жойлаштирилган.

Мавзуга доир: Наманганда транспорт воситалари ҳаракатига халақит берган тўй кортежи автомобиллари жарима майдонига жойлаштирилди (видео)