Хоразм вилоятининг Янгибозор туманидаги хонадонда икки киши ис газидан вафот этди. Бу ҳақда вилоят ФВБ матбуот хизмати хабар берди.
Маълум қилинишича, 8 декабрь куни соат 08:51 ларда Янгибозор тумани Тиббиёт бирлашмаси тез тиббий ёрдам бўлими диспетчеридан туман ФВБга хабар келиб тушиб, Янгибозор тумани Боғолон қишлоғида яшаган 1958 йилда туғилган Ж.Р. ҳамда невараси 2009 йилда туғилган Р.Б.нинг уйида вафот этгани билдирилган.
Олиб борилган дастлабки суриштирувлар натижасида кўра воқеа содир бўлган хонадонда тўққиз нафар фуқаро бўлгани, шулардан икки нафари вафот этгани ва қолган етти нафари туман шифохонасида тиббий кўрикдан ўтказилгани аниқланган.
Уларнинг соғлиги яхши бўлгани учун уйига рухсат берилган. Икки нафар фуқаро вафот этгани бўйича суд тиббий экспертизаси тайинланган. Суриштирувни Янгибозор тумани прокуротураси олиб бормоқда.
Мавзуга доир:
Изоҳ (0)