Россия президенти матбуот котиби Дмитрий Песков 2022 йил охиригача МДҲ етакчилари саммит ўтказиши мумкинлигини маълум қилди. Бу ҳақда «РИА Новости» хабар берди.
Песковнинг сўзларига кўра, янги йил олди МДҲ саммитини ўтказиш ғояси мавжуд, барча келишувлар якунлангач, тегишли эълон берилади.
«Янги йил олдидан шундай йиғилиш ўтказиш ғоялари бор, МДҲ саммитини назарда тутаяпман. Барча келишувлар якунлангач, биз тегишли эълон берамиз», — деган Песков.
Октябрь ойида Россия президенти Владимир Путин МДҲ давлатларининг барча раҳбарларини Санкт-Петербургдаги норасмий учрашувга таклиф қилганди. Қозоғистонда октябрь ойида Осиёда ҳамкорлик ва ишонч чоралари кенгаши саммити, МДҲ Давлат раҳбарлари кенгаши мажлиси, «Марказий Осиё — Россия» саммити бўлиб ўтганди.
Изоҳ (0)