Нукус воқеаларида айбланаётганлар ишини кўриб чиқаётган суд мажлисидаги онлайн трнасляция тўхтатилди. Бунга прокурор талаби сабаб бўлди.
Таъкидланишича, онлайн трнасляция музокаралар жараёнига қадар тўхтатилган.
Жума куни бўлиб ўтган муҳокамаларда прокурор Ўзбекистон Жиноят-процессуал кодексининг 432-моддасига мувофиқ жонли эфирни тўхтатишни сўраб судьяга мурожаат қилди. Бу гувоҳлар сўроқ қилиниши билан боғлиқ, чунки гувоҳлар бир-бирининг кўрсатувларини эшитмаслиги лозим, — дейилади Telegram’даги Independent Commission_uz каналида.
2022 йилнинг 28 ноябрь куни Бухоро вилояти судида Қорақалпоғистон Республикаси судининг Жиноят ишлари бўйича судлов ҳайъати Нукус воқеаларида айбланаётганлар ишини кўриб чиқишни бошлади. Олий суд матбуот хизмати давлат айбловчиси томонидан ўқиб эшиттирилган айблов хулосасининг қисқача мазмуни билан таништириб, ким нимада айбланаётганига аниқлик киритди. Шунингдек, суд жараёнида Нукусдаги тартибсизликлар пайтида қанча зарар етказилгани маълум бўлди.
Ажабланарлиси, судда Даулетмурад Тажимуратовни елкасида кўтариб, Жўқорғи Кенгесга олиб борган ва унинг Жўқорғи Кенгес раиси бўлиши кераклигини талаб қилган судланувчи Тажимуратовни жиноятчи ва фирибгар деб атади. Журналист Лолагул Қаллиханова эса унинг чақириқлари сабаб одамлар кўтарилишини билганини, аммо бу даражада уруш бўлади деб ўйламаганини қўшимча қилди ва айбига тўлиқ иқрорлик билдирди. Қолаверса, у Нукус воқеаларининг келиб чиқишига Жўқорғи Кенгес депутатларининг пассив ишлаганини сабаб қилиб кўрсатди. «Жўқорғи Кенгес депутатлари халқ билан мулоқот қилганида бу воқеалар келиб чиқмасди», — деди у. Яна бир судланувчи эса Нукус воқеаларига Даулетмурад Тажимуратов ва Лолагул Қаллиханова айбдор деб чиқди. Бунга жавобан эса кейинги суд мажлисида Даулетмуард Тажимуратов одамлар ўлимида ўзини айбламаслигини билдирди.
Изоҳ (0)