ЖЧ—2026 гуруҳ босқичи иштирокчиларини ҳар бири 6 та гуруҳдан иборат икки қисмга бўлиш варианти кўриб чиқилмоқда

ФИФА футбол бўйича ЖЧ—2026 формати бўйича аниқ бир тўхтамга келгани йўқ.

2017 йил январь ойида ФИФА кенгаши Жаҳон Чемпионати иштирокчилари рўйхатини кенгайтириш тўғрисида қарор қабул қилганида, турнирда 16 та гуруҳ ва уларнинг ҳар бирида учтадан жамоа бўлиши ҳақида гапирганди. Бундай форматда ҳар бир гуруҳдан иккитадан жамоа 1/16 финалга йўл олиши мумкин эди. Аммо бу ҳолатда терма жамоалардан бири тақвимда устунликка эришган бўларди. Қолаверса, гуруҳ босқичининг сўнгги ўйинида тўқнаш келадиган икки жамоа гуруҳдаги ўринлар тақсимотига таъсир ўтказа олади деган хавотирлар ҳам йўқ эмасди.

Шу сабабли ташкилот турнирни ўтказиш учун учта вариантни кўриб чиқмоқда. Ҳар бир гуруҳда учта жамоадан иборат форматга қўшимча равишда 12 гуруҳга бўлинган 4 та жамоадан иборат формат ҳам кўриб чиқилмоқда. Бундай ҳолатда учинчи ўринни эгаллаган энг яхши жамоалар ҳам плей-оффга йўл олади.

Яна бир схема — Жаҳон Чемпионати иштирокчиларини икки қисмга бўлиб, ҳар бирига 24 тадан терма жамоа жойлаштирилади. Ҳар бир қисмда 4 та терма жамоадан иборат 6 та гуруҳ бўлади. Иккала қисм ғолиблари финалга йўл олади.

2026 йилги Жаҳон Чемпионатига АҚШ, Канада ва Мексика мамлакатлари мезбонлик қилади. Бу 48 та жамоа иштирок этадиган илк мундиал бўлади. Айни вақтда мусобақада 32 та жамоа иштирок этади.