Килиан Мбаппе Жаҳон Чемпионатида Пеленинг рекордини янгилади

Франция терма жамоаси ҳужумчиси Килиан Мбаппе ЖЧ—2022 нимчорак финали доирасида кечган Польшага қарши ўйинда (3:1) дубль қайд этди.

Мбаппе Қатар мусобақасидаги 5-голини урди ва тўпурарлар рўйхатида етакчига айланди.

23 ёшли футболчи Жаҳон Чемпионатларидаги голлари сонини 9 тага етказиб олди. 24 ёшга қадар ҳеч қайси футболчи мундиалларда бу қадар кўп гол уролмаган. Аввалги рекорд Пелега тегишли бўлиб, 24 ёшга қадар бразилиялик футболчи 7 та тўп киритган.

Бунга қадар Жаҳон Чемпионатида 8 та гол урган энг ёш ўйинчи португалиялик Эйсебио (24 ёш-у 182 кун) эди.

Мбаппе ЖЧ тўпурарлари рўйхатида Криштиану Роналдуни (8) ортда қолдирди ва Лионель Месси (9) билан тенглашиб олди. Айни вақтда фаолиятини давом эттираётган футболчилардан фақат Томас Мюллер (10) ундан олдинда. Умумий рейтинг етакчиси Мирослав Клозе (16) ҳисобланади.

Мавзуга доир: Оливье Жиру Франция терма жамоаси тарихидаги энг яхши тўпурарга айланди