Афғонистоннинг Самангон вилоятидаги диний мактабда 29 ноябрь куни портлаш содир бўлди. Бу ҳақда Hasht-e Subh Daily хабар берди.
Соғлиқни сақлаш манбаларига кўра, ҳодиса оқибатида 35 киши ҳалок бўлган ва 23 киши жароҳатланган. Улар Самангон вилоят касалхонасига ётқизилган. «Толибон» ҳаракати ҳозирча портлаш ҳақда маълумот бермаган. Вилояти касалхонасидаги манбалар портлаш қурбонларининг аксарияти мактаб ўқувчилари эканини айтмоқда.
Таъкидланишича, «Толибон» воқеа жойини тўсиб қўйган ва ҳеч кимга суратга олишга рухсат бермаган. Портлаш бўлган ҳудуддан жасадларни олиб чиқиш жараёни давом этмоқда. Портлашнинг моҳияти ҳозирча номаълум, ҳеч бир гуруҳ ҳодиса учун жавобгарликни ўз зиммасига олмаган.
Афғонистонда портлаш тез-тез содир бўлади, асосан жума намози пайтида масжидлар ҳужумга учрайди. Сентябрь ойида Кобулдаги таълим маркази имтиҳон вақтида портлатилганди, оқибатда 32 киши ҳалок бўлган.
Изоҳ (0)