Бугун,

  • USD 11095.31
  • RUB 173.84
  • EUR 10772.44

Коллектив хавфсизлик шартномаси ташкилоти (КХШТ) бош котиби Станислав Зас Украинадаги махсус операция чоғида Россия томонидан ядро қуроли қўлланилиши эҳтимолини истисно қилди, деб ёзади «Интерфакс».

Станислав Зас

Станислав Зас
Фото: «РИА Новости»

«Ядро қуролидан фойдаланишга келсак, КХШТга аъзо мамлакатлардан фақат биттаси — Россия Федерацияси ядро қуролига эга. Ҳарбий доктринада қандай ҳолларда ядро қуроли қўлланилиши кўзда тутилган. Лекин менинг фикримча, ҳатто ҳозирги қийин, жуда кескин вазиятда ҳам ядро қуролини қўллаш имконияти рад этилади», — деди КХШТ раҳбари Беларуснинг ОНТ телеканалига берган интервьюсида.

«Шу билан бирга, фақат Россия эмас, балки жаҳон сиёсатининг барча субъектларида бундай қадамларнинг ҳалокатли оқибатлари ҳақида тушунча бўлиши керак. Шунинг учун мен ҳозирги шароитда ядро қуроли қўлланилиши эҳтимолини инкор қиламан», — дея қўшиб қўйди у.

Бундан ташқари, Зас КХШТ гибрид ҳужумларга жавоб қайтаришга тўлиқ тайёр эмаслигини айтди. Унинг сўзларига кўра, бунинг объектив сабаблари бор.

«Бизнинг ташкилотимиз энг бошида давлатларимиз хавфсизлиги учун фақат ҳарбий таҳдидларни қайтариш мақсадида яратилган. Ўтган 20 йил ичида жуда кучли трансформация содир бўлди, биз тобора давлатларимиз хавфсизлигини таъминлаш учун комплекс майдонга айланиб боряпмиз. Бу ҳам террорчилик хусусиятига эга таҳдидлар, ҳам наркотрафик, ҳам АКТ соҳасидаги жиноятчилик. Яъни мамлакатларимизнинг ҳамкорлик тизими кенгаймоқда. Бу эса биз тайёрмизми-йўқми, шу масалага мувофиқ келмоқда… Ҳа, биз ҳозирча тайёр эмасмиз, аммо шунга қараб кетяпмиз», — дея таъкидлади бош котиб.

Маълумот учун: гибрид уруш — душманларча ҳаракатлар тури бўлиб, унда ҳужум қилувчи томон классик ҳарбий истилони қўлламайди, балки яширин операциялар, қўпорувчиликлар, киберурушлардан фойдаланиб ҳамда душман ҳудудида фаолият олиб борувчи исёнчиларни қўллаб-қувватлаш орқали ўз рақибини бостиради.

КХШТ нима?

Коллектив хавфсизлик шартномаси ташкилоти — айни пайтда Арманистон, Беларусь, Қозоғистон, Қирғизистон, Россия ва Тожикистонни ўз ичига олган Евросиё ҳукуматлараро ҳарбий иттифоқи. Ташкилотни тузиш ҳақидаги шартнома 1992 йил 15 майда имзоланган.

КХШТ мақсадлари тинчликни, халқаро ва минтақавий хавфсизлик ва барқарорликни мустаҳкамлаш, аъзо давлатлар мустақиллиги, ҳудудий яхлитлиги ва суверенитетини коллектив асосда ҳимоялашдан иборат.

Изоҳ
Асосий янгиликлар
Маҳаллий
Туркманистон газ етказиб бермагани учун Ўзбекистон компенсация талаб қилгани рад этилди
Маҳаллий
“Қардошларимизга ҳамдардмиз”. Ўзбек жамоатчилиги Туркиядаги зилзилага муносабат билдирди
Дунё
Туркия ва Суриядаги зилзила нега ҳалокатли оқибатларга олиб келди?