Бирлашган Араб Амирликлари (БАА) ҳаво йўллари билан саёҳат қилаётган йўловчиларнинг паспортларида исм ва фамилияларини кўрсатишни талаб қилувчи янги директива чиқарди.
Бу мамлакатга кираётган ва ундан чиқиб кетаётганларга ҳам тегишли. Паспортида фақат исм келтирилган саёҳатчиларга Амирликларга кириш тақиқланади. Янги қоидалар БААда иш ва яшаш визаларига эга бўлган шахсларга тааллуқли эмас. Қоидалар туристик, шунингдек, келиш вақтида бериладиган визага нисбатан қўлланилади.
Аввал хабар қилинганидек, БААга келган саёҳатчилар рейсга чиқиш учун энди эмланганлик сертификати ёки ПЗР тести натижасини тақдим этиши шарт эмас. 11 ноябрдан бошлаб БААга кириш учун туристик ёки меҳмон визаси бўлган йўловчилар бориш ва қайтиш авиачипталарига эга бўлиши керак.
Изоҳ (0)