Футбол бўйича ЖЧ—2022 2-туридан ўрин олган баҳсда Аргентина ва Мексика 26 ноябрь, шанба куни ўзаро тўқнаш келди.
Учрашувнинг биринчи бўлимида дарвозалар ишғол этилмади. Иккинчи бўлимда Аргентина тўпни кўпроқ назорат қила бошлади. Бироқ мексикаликлар ҳимояда ишончли ҳаракат қилди. 64-дақиқада Лионель Месси кутилмаганда жарима майдони ташқарисида зарба бериб, гол урди. 87-дақиқада эса Энсо Фернандес аргентиналикларнинг иккинчи голига муаллифлик қилди ва ишончли ғалабани таъминлади.
Шу тариқа Аргентина 3 очко жамғариб, 2-ўринга кўтарилиб олди ва гуруҳдан чиқиш имкониятини сақлаб қолди. Мексика ҳисобида эса 1 очко мавжуд ва 4-поғонадан жой олган.
C гуруҳининг иккинчи ўйинида Польша Саудия Арабистони устидан 2:0 ҳисобида ғалаба қозонди.
ЖЧ—2022
2-тур баҳси
26 ноябрь,шанба
Аргентина — Мексика 2:0
Голлар: 1:0 – 64 Месси, 2:0 – 87 Фернандес.Аргентина: Мартинес, Монтел (Molina, 63), Отаменди, Мартинес, Акуня, Ди Мария (Ромеро, 69), Мак Аллистер (Паласиос, 69), Де Пауль, Родригес (Фернандес, 57), Месси, Мартинес (Альварес, 63).
Мексика: Очоа, Альварес (Хименес, 66), Морено, Араухо, Монтес, Гальярдо, Гуардадо (Гутеррес, 42), Эррера, Чавес, Лосано (Алварадо, 73), Вега (Антуна, 66).
Огоҳлантиришлар: Араухо (22), Монтел (43), Гутеррес (50), Эррера (66), Алварадо (89).
Изоҳ (0)