Аргентина терма жамоаси ҳужумчиси Лионель Месси ЖЧ—2022 2-тури доирасида Мексикага қарши кечган баҳсда (2:0) майдонга тушди ва гол уришга муваффақ бўлди.
Месси Жаҳон Чемпионатларидаги 21-ўйинида иштирок этди. Бу борада Лео Диего Марадонанинг рекордини такрорлади. Ҳеч қайси футболчи Аргентина терма жамоасида мундиалларда 21 тадан ортиқ ўйин ўтказмаган.
Лионель мундиаллардаги 8-голини урди. Бу борада футболчи Марадона ва Криштиану Роналдуга етиб олди. Рекордчи Мирослав Клозе ҳисобида 16 та гол бор.
Аргентинанинг қаторасига 6 ўйинидан бери гол ураётган Месси терма жамоа сафидаги умумий голлари сонини 93 тага етказиб олди. Бу борада фақат Криштиану Роналду (118 та) ва Али Дайи (109 та) ундан олдинда.
Изоҳ (0)