Франция амалдаги жаҳон чемпионларининг нохуш сериясига якун ясади

Франция терма жамоаси ЖЧ—2022 2-турида Данияни енгиб (2:1), плей-офф масаласини муддатидан аввал ҳал қилди.

Шу тариқа амалдаги чемпион кейинги мусобақада гуруҳдан чиқа олмаслик серияси якунланди. ЖЧ—2006 дан кейин амалдаги жаҳон чемпиони гуруҳда қолиб кетаётганди.

Сўнгги бор ЖЧ—2002 ғолиби Бразилия 2006 йилги мундиалда гуруҳдан чиққан ва чорак финалда Францияга енгилганди.

2006 йилда чемпион бўлган Италия 2010 йилги ЖЧда Парагвай, Словакия ва Янги Зеландия билан бир гуруҳдан жой олиб, сўнгги поғонада қолиб кетган.

ЖЧ—2010 ғолиби Испания эса 2014 йилда Нидерландия, Чили ва Австралияга қарши тушган ҳамда гуруҳда учинчи ўринни эгаллаган.

2014 йилдаги мундиал чемпиони Германия ЖЧ—2018 да Швеция, Мексика ва Жанубий Корея жой олган гуруҳда сўнгги ўриндан жой олган.