Бугун,

  • USD 11095.31
  • RUB 173.84
  • EUR 10772.44

Ангела Меркель Германия канцлери лавозимини тарк этганидан бир йил ўтиб, Funke Media Group буюртмаси билан Civey институти томонидан ўтказилган сўровда қатнашган германияликларнинг 71 фоизи унинг ҳокимиятга қайтишига қарши чиқди. Бу ҳақда  Die Zeit хабар бермоқда.

Фото: Global Look Press

Фото: Global Look Press

Меркелнинг лавозимга қайтишини респондентларнинг 23 фоизи қўллаб-қувватлаган.

«Ангела Меркель канцлер сифатида Германиянинг амалдаги канцлери Олаф Шольцдан яхшироқмиди?» деган саволга жавобан 43 фоиз иштирокчи Меркелни Шольцдан яхшироқ канцлер деб атади. 41 фоиз  эса тескари фикр билдирди.

Маълумот учун сўровнома 24 ноябрь куни онлайн тарзда ўтказилган. Унда 18 ёшдан ошган 5000 дан ортиқ Германия фуқаролари иштирок этган.

Германия президенти Франк-Вальтер Штайнмайер 2021 йилнинг октябрь ойида канцлер Ангела Меркель ва унинг кабинетини расман истеъфога юборган эди. Бунгача мамлакатда ўтказилган сайловларда Меркель узоқ йиллар давомида етакчилик қилган Христиан Демократик Иттифоқи партияси 24,1 фоиз овоз тўплаб, тарихдаги энг ёмон натижани кўрсатган. Сайловда биринчи ўринни 25,7 фоиз овоз билан Шольц бошчилигидаги социал-демократлар олди. Шольц Меркель даврида вице-канцлер эди.

Шольц декабрь ойида Меркелнинг ўрнини эгаллади. Меркель 2005 йилдан бери 16 йил давомида канцлер лавозимида ишлаган. Сўнгги сайловлар олдидан у сиёсатдан кетиш ниятини маълум қилганди.

Изоҳ
Асосий янгиликлар
Маҳаллий
Қўшимча талаб этиладиган 37,5 минг тонна пиёз 1 апрелга қадар ички бозорларга киритилади
Маҳаллий
“YouTube’даги обуначиларимиз сони МДҲ мамлакатлари ИИВ каналлариникидан ҳам кўп” — Шоҳрух Ғиёсов ИИВнинг медиамакондаги фаолияти ҳақида гапирди
Маҳаллий
Тошкентда йўловчи автобус ёниб кетди