Афғонистоннинг Нангарҳор вилоятида «Толибон» ҳаракати аёлларни эркак йўлбошчисиз шифохоналарга боришини тақиқлади. Бу ҳақда Hasht-e Subh Daily хабар берди.
Маълум қилинишича, мазкур буйруқ Нангарҳор туманлари аҳолисига етказилган. Масжид имом-хатибларига ушбу буйруқни жамоавий намозларда аҳолига жиддий етказиш ва амалга ошириш бўйича топшириқ берилган. Эзгуликни тарғиб қилиш ва иллатларнинг олдини олиш вазирлиги «Толибон»нинг аёлларнинг касалхонага боришига қўйилган чеклов бўйича маълумот бермаган.
Таъкидланишича, ушбу тақиқ 25 ноябрь халқаро аёлларга нисбатан зўравонликка барҳам бериш кунида эълон қилинган.
Ноябрь ойида «Толибон»аёлларга бир қатор тақиқларни жорий қилганди. Хусусан, аёлларга SIM карта сотиб олиш, истироҳат боғига ташриф буюриш тақиқланган. Европа Иттифоқи эса «Толибон»нинг аёлларга нисбатан янги чекловларини қоралаган.
Изоҳ (0)