Беларусь раҳбари Александр Лукашенко Украинани Россия билан музокара олиб боришга чақириб, акс ҳолда «бутунлай йўқ бўлиб кетиш» билан таҳдид қилди. Бу ҳақда «БелТА» хабар берди.
«Ҳаммаси Украинанинг қўлида. Мен бу мавзуни Зеленский ёки Украинага юкламоқчи бўлганим учун кўтармаяпман. Дарҳақиқат, ҳозир ҳаммаси Украинанинг қўлида», — дейди Лукашенко.
Президент Украина нафақат ўз давлатчилигини йўқотиши, балки бутунлай йўқ қилиниши ҳам мумкинлигини айтди. Шунинг учун Лукашенко айнан украиналикларга урушни тугатишни «маслаҳат берди». Сиёсатчи украинлар, руслар ва беларуслар келажакда нафақат ҳамкорлик қилиши, балки «дўст» ҳам бўлиши мумкинлигини таъкидлади.
«Бизнинг авлодимиз Украина халқига нима бўлганини тушунтира олади. Шунинг учун қаерга қараманг, ҳамма жойда тинчлик музокаралари кетмоқда. Тинчлик, тинчлик ва яна бир бор тинчлик», — дея қўшимча қилди Лукашенко.
Эслатиб ўтамиз, Беларусь президенти 23 ноябрь куни, КХШТ йиғилишида нутқ сўзлаб, ташкилотнинг тақдири Украинадаги махсус операцияга боғлиқ бўлишини айтганди. Шунингдек, у Россия ва Беларусга ҳужум уюштирилган тақдирда «Европани титратадиган» жавоб ваъда қилганди.
Изоҳ (1)
Salom daryo.uz qani isbot o'sha qiz, va o' sha mashinadagi odamlar aniq rasmi. Yuzi yashirilgan odamlarni biz videoda kurgandik. Qani kursatilar haqiqatmi yoki prosta delo yopishga olibgan fotomi. Kim kafolat beradi o'sha qizligiga.