Belarus rahbari Aleksandr Lukashenko Ukrainani Rossiya bilan muzokara olib borishga chaqirib, aks holda “butunlay yo‘q bo‘lib ketish” bilan tahdid qildi. Bu haqda “BelTA” xabar berdi.
“Hammasi Ukrainaning qo‘lida. Men bu mavzuni Zelenskiy yoki Ukrainaga yuklamoqchi bo‘lganim uchun ko‘tarmayapman. Darhaqiqat, hozir hammasi Ukrainaning qo‘lida”, — deydi Lukashenko.
Prezident Ukraina nafaqat o‘z davlatchiligini yo‘qotishi, balki butunlay yo‘q qilinishi ham mumkinligini aytdi. Shuning uchun Lukashenko aynan ukrainaliklarga urushni tugatishni “maslahat berdi”. Siyosatchi ukrainlar, ruslar va belaruslar kelajakda nafaqat hamkorlik qilishi, balki “do‘st” ham bo‘lishi mumkinligini ta’kidladi.
“Bizning avlodimiz Ukraina xalqiga nima bo‘lganini tushuntira oladi. Shuning uchun qayerga qaramang, hamma joyda tinchlik muzokaralari ketmoqda. Tinchlik, tinchlik va yana bir bor tinchlik”, — deya qo‘shimcha qildi Lukashenko.
Eslatib o‘tamiz, Belarus prezidenti 23-noyabr kuni, KXSHT yig‘ilishida nutq so‘zlab, tashkilotning taqdiri Ukrainadagi maxsus operatsiyaga bog‘liq bo‘lishini aytgandi. Shuningdek, u Rossiya va Belarusga hujum uyushtirilgan taqdirda “Yevropani titratadigan” javob va’da qilgandi.
Izoh (1)
Salom daryo.uz qani isbot o'sha qiz, va o' sha mashinadagi odamlar aniq rasmi. Yuzi yashirilgan odamlarni biz videoda kurgandik. Qani kursatilar haqiqatmi yoki prosta delo yopishga olibgan fotomi. Kim kafolat beradi o'sha qizligiga.