Тошкентда онкология касалликлари шифохонаси бинолари умумий 500 млрд сўмдан кўпга аукционга қўйилди

Тошкент шаҳрининг учта туманидаги онкология касалликлари шифохонасининг бино ва иншоотлари кимошди савдосига қўйилди. Маълумотлар «E-auksion» порталида кўрсатилган. 

Шайхонтоҳур туманида 1990 йилда қурилган Республика ихтисослаштирилган онкология ва радиология илмий-амалий тиббиёт марказининг бино ва иншоотлари 281,8 млрд сўмга аукционга қўйилган. 

Чилонзор туманидаги Тошкент шаҳар онкология касалликлари шифохонасининг бино ва иншоотлари ҳам кимошди савдосига қўйилган. Бошланғич баҳо — 160,6 млрд сўм. 

Олмазор туманидаги Тошкент вилоят онкология касалликлари шифохонасининг бино ва иншоотлари эса 92,1 млрд сўмга аукционга қўйилган. 

Барча биноларнинг умумий бошланғич нархи 534,4 млрд сўмга баҳоланган. Уларнинг кимошди савдоси 12 декабрь куни соат 10:00 да бўлиб ўтади. Аризалар худди шу куни 09:00 гача қабул қилинади.

Ушбу учта онкология касалликлари шифохоналарининг бино ва иншоотларини хусусийлаштириш учун асос сифатида Вазирлар Маҳкамасининг 2022 йилнинг 11 октябрдаги қарори кўрсатилган.

Мавзуга доир: 

• Kinder Fruits компаниясининг 100 фоиз давлат улуши аукционга қўйилди. Бошланғич баҳоси — 16,7 млрд сўм
• Тошкент шаҳридаги собиқ «Алгоритм» заводи бинолари қарийб 300 млрд сўмга аукционга қўйилди
• Тошкентдаги 11 хонали ҳовли 3 млрд сўмга аукционга қўйилди