Toshkentda onkologiya kasalliklari shifoxonasi binolari umumiy 500 mlrd so‘mdan ko‘pga auksionga qo‘yildi

Toshkent shahrining uchta tumanidagi onkologiya kasalliklari shifoxonasining bino va inshootlari kimoshdi savdosiga qo‘yildi. Ma’lumotlar “E-auksion” portalida ko‘rsatilgan. 

Shayxontohur tumanida 1990-yilda qurilgan Respublika ixtisoslashtirilgan onkologiya va radiologiya ilmiy-amaliy tibbiyot markazining bino va inshootlari 281,8 mlrd so‘mga auksionga qo‘yilgan. 

Chilonzor tumanidagi Toshkent shahar onkologiya kasalliklari shifoxonasining bino va inshootlari ham kimoshdi savdosiga qo‘yilgan. Boshlang‘ich baho — 160,6 mlrd so‘m. 

Olmazor tumanidagi Toshkent viloyat onkologiya kasalliklari shifoxonasining bino va inshootlari esa 92,1 mlrd so‘mga auksionga qo‘yilgan. 

Barcha binolarning umumiy boshlang‘ich narxi 534,4 mlrd so‘mga baholangan. Ularning kimoshdi savdosi 12-dekabr kuni soat 10:00 da bo‘lib o‘tadi. Arizalar xuddi shu kuni 09:00 gacha qabul qilinadi.

Ushbu uchta onkologiya kasalliklari shifoxonalarining bino va inshootlarini xususiylashtirish uchun asos sifatida Vazirlar Mahkamasining 2022-yilning 11-oktabrdagi qarori ko‘rsatilgan.

Mavzuga doir: 

• Kinder Fruits kompaniyasining 100 foiz davlat ulushi auksionga qo‘yildi. Boshlang‘ich bahosi — 16,7 mlrd so‘m
• Toshkent shahridagi sobiq “Algoritm” zavodi binolari qariyb 300 mlrd so‘mga auksionga qo‘yildi
• Toshkentdagi 11 xonali hovli 3 mlrd so‘mga auksionga qo‘yildi