Йил бошидан бери Ўзбекистон хурмони қайси давлатларга экспорт қилаётгани маълум бўлди

Ўзбекистон 10 ойда 45,6 минг тонна хурмо экспорт қилган. Бу ҳақда Давлат статистика қўмитаси матбуот хизмати хабар бермоқда.

Маълумотларига кўра, 2022 йилнинг январь—октябрь ойларида Ўзбекистон қиймати 27,3 млн долларга тенг 45,6 минг тонна хурмо экспорт қилган.

Октябрь ойида мамлакатдан хурмо экспорти кескин ошган — 11,3 минг тонна. Умумий январь—сентябрь ойларида бу кўрсаткич 16 минг тоннага тенг бўлган.

Хурмо экспорти 2021 йилнинг мос даври билан солиштирилганда 7,5 минг тоннага ошган.

2022 йилнинг 10 ойида Ўзбекистон энг кўп хурмони Россияга экспорт қилган — 26,2 минг тонна. Октябрби ўзига мамлакатга 18 минг тонна хурмо юборилган.

Ушбу мева энг кўп экспорт қилинадиган мамлакатлар рейтингида Қозоғистон иккинчи ўринда – 15,3 минг тонна. Учинчи ўринни эса Қирғиз Республикаси 2 минг тонна билан эгаллаган.

Кейинги ўринларда Туркманистон (1,3 минг тонна), Беларусь (776 тонна) ва Польша (43 тонна) жойлашган.

Аввалроқ Тожикистонда хурмодан чипслар тайёрлаш йўлга қўйилгани ҳақида хабар берилганди.